Agate Deuna lehiaketaren irabazleak

Tradizioari jarraituz, joan den otsailaren 4an, Leioako taldeek Agate Deunaren bezpera ospatu zuen, herriko kalez kale abesten. Nahiz eta eguraldi txarra izan, antolatzaileak oso balantze positiboa egin zuen.

HAURREN LEHIAKETA / IRABAZLEAK
1. Colegio San Jorge.
2. Lamiako Ikastetxea.
3. Betiko Ikastola.

HELDUEN LEHIAKETA / IRABAZLEAK
1. Udondoko Txikiteroak.
2. Voccalicess.
3. San Bartolome Auzo Elkartea.

2015eko Umore Azokaren kartela

 

Aurten, 2015eko Leioako Umore Azokak (Kaleko artisten XVI. Azoka) bizarra eta pasta-betaurrekoak janzten ditu, eta hipster erara, kaleko arteekin duen konpromiso eta hurbiltasuna erakusten du. Maiatzaren 21etik 24ra, Umore Azokak bizitzeko beste modu bat aurkeztuko du: antzerkia, dantza, zirkua, pailazoak… kaleak bere egingo dituzte lau egun berezi horietan.

Aurtengo Umore Azokan parte hartzeko 410 eskaera jaso dira (42 Euskaditik, 234 beste autonomia-erkidego batzuetatik eta 134 gehiago beste 20 herrialde desberdinetatik). Horietatik 74 estreinaldi-proposamenak (20 Euskaditik, 38 estatutik eta 16 beste herrialde batzuetatik) eta nazioarteko konpainien artean, Estatuan estreinatzeko 53 proposamen.

Nagusi diren joeretatik aldenduz, Umore Azokak nortasuna erakusten du, berezko nortasuna, bere aurtengo programazioa ixtear dagoen une honetan. Gutxi barru, hautatutako konpainien aurrerapena emango dizuegu.